ഡോ. കല ഷഹി
ഡോ. ബാബു സ്‌റ്റീഫൻ, ഡോ. കല ഷഹി ടീം നയിക്കുന്ന ഫൊക്കാനയുടെ പ്രവർത്തനങ്ങൾ ഫൊക്കാനയുടെ ജനപ്രീതി വർദ്ധിപ്പിക്കുന്നതിന് കാരണമായതായും നിരവധി യുവ സമൂഹം ഫൊക്കാനയുടെ ഭാഗമായി മാറുമെന്നും പ്രിൻസൺ പെരേപ്പാടൻ അറിയിച്ചു. കാനഡയിലെ സാമൂഹ്യ സാംസ്കാരിക പ്രവർത്തനരംഗത്ത് സജീവമായ പ്രിൻസൺ കേരളാ കൾച്ചറൽ അസോസിയേഷന്റെ ബോർഡ്‌ ഓഫ് ചെയർമാനായി പ്രവർത്തിക്കുന്നു. 2019-20 കാലയളവിൽ മലയാളി ട്രക്കേഴ്സ് അസോസിയേഷൻ ഓഫ് കാനഡയുടെ ട്രഷറർ ആയും, 2021-22 കാലയളവിൽ MTAC ന്റെ പ്രസിഡന്റായും പ്രവർത്തിച്ചു. നിരവധി ജീവകാരുണ്യ പ്രവർത്തനങ്ങൾക്ക് നേതൃത്വം നൽകുവാൻ സംഘടന വഴിയും വ്യക്തി പരമായും അദ്ദേഹത്തിനു കഴിഞ്ഞട്ടുണ്ട് . ഇപ്പോഴും അത് തുടരുകയും ചെയ്യുന്നു. പ്രിൻസണെ പോലെ ഉള്ള നേതാക്കൾ ഫൊക്കാനയുടെ ഭാവി വാഗ്ദാനം ആകണം. കൂടുതൽ യുവജനങ്ങൾ ഫൊക്കാനയിലേക്ക് വരുവാൻ ഇത്തരം സ്ഥാനാർത്ഥിത്വം ഗുണം ചെയ്യുമെന്ന് 2024 2026 ഫൊക്കാന പ്രസിഡന്റ് സ്ഥാനാർത്ഥിയും ഇപ്പോൾ ജനറൽ സെക്രട്ടറിയുമായ ഡോ. കല ഷഹി പറഞ്ഞു.
കാനഡയിൽ നിന്നുള്ള യുവ നേതാവും സാമൂഹികവും, ബിസിസ് രംഗത്തും സജീവമായ പ്രിൻസൺ പെരേപ്പാടന്റെ സ്ഥാനാർത്ഥിത്വം ഫൊക്കാനയ്ക്കും കാനഡയിലെ മലയാളി സമൂഹത്തിനും ഗുണം ചെയ്യുമെന്നും ഫൊക്കാന ജനറൽ സെക്രട്ടറി സ്ഥാനാർത്ഥി ജോർജ് പണിക്കർ, ട്രഷറർ സ്ഥാനാർത്ഥി രാജൻ സാമുവേൽ എന്നിവർ അറിയിച്ചു
