ഇന്‍സ്റ്റാഗ്രാം നല്‍കുന്ന ഏറ്റവും പുതിയ സംവിധാനമാണ് 'ക്വയറ്റ് മോഡ്'. സൈറ്റില്‍ നിന്നുള്ള നോട്ടിഫിക്കേഷനുകള്‍ ബ്ലോക്ക് ചെയ്യാന്‍ ഉപയോഗിയ്ക്കുന്ന സംവിധാനമാണ് ക്വയറ്റ് മോഡ്. യു.എസ്, യുകെ, ഓസ്‌ട്രേലിയ, കാനഡ, ന്യൂസിലാന്റ് എന്നിവടങ്ങളിലാണ് ഈ ഫീച്ചര്‍ ലഭിയ്ക്കുന്നത്. അധികം വൈകാതെതന്നെ എല്ലാ രാജ്യങ്ങളിലും ഈ ഫീച്ചര്‍ ലഭ്യമാകും.
ക്വയറ്റ് മോഡ് ഓണ്‍ ആക്കിയാല്‍ ആക്റ്റിവിറ്റി സ്റ്റാറ്റസ് ഇനാക്ടീവാകും. അതുപോലെ ആരെങ്കിലും നമുക്ക് മെസേജ് അയച്ചാല്‍ ക്വയറ്റ് മോഡിലാണെങ്കില്‍ ക്വയറ്റ് മോഡ് ഓണ്‍ ആണെന്നു ഓട്ടോമാറ്റിക് ആയി റിപ്ലെ അയയ്ക്കാനും ഈ സംവിധാനത്തിലൂടെ സാധിയ്ക്കും. പ്രധാനമായും കൗമാരക്കാരെ ഉദ്ദേശിച്ചാണ് ഈ ഫീച്ചര്‍ ഇറക്കിയിരിയ്ക്കുന്നതെന്നും രാത്രി വൈകി ഇന്‍സ്റ്റാഗ്രാമില്‍ കുട്ടികള്‍ ഓണ്‍ലൈനില്‍ ഇരിയ്ക്കുന്നതു തടയാന്‍ ഈ ഫീച്ചറിനാകുമെന്നും മെറ്റ അറിയിച്ചു.
ക്വയറ്റ് മോഡ് ഓണ്‍ ആക്കിയാലും അത്രയും നാള്‍ അക്കൗണ്ടിലെന്താണ് സംഭവിയ്ക്കുന്നതെന്നു അറിയാനുള്ള സംവിധാനവും കമ്പനി തരുന്നുണ്ട്. അതുവരെ സംഭവിച്ച ആക്ടിവിറ്റികളുടെയെല്ലാം സംഗ്രഹം ഇന്‍സ്റ്റാഗ്രാം ക്വിക്ക് നോട്ടിഫിക്കേഷനുകളായി അയയ്ക്കും. അധികം വൈകാതെ തന്നെ എല്ലാ രാജ്യങ്ങളിലും ഈ ഫീച്ചര്‍ ലഭ്യമാകും.
