കൊട്ടാരക്കര :തലച്ചിറ യുവ സാരഥി ക്ലബ്ബിന്റെ നേതൃത്വത്തിൽ വൈഎസ് ജാലക പുരസ്കാര സമർപ്പണവും സമീപ പഞ്ചായത്തുകളിലെ 22 സ്കൂളുകളിൽ നിന്ന് തെരഞ്ഞെടുക്കപ്പെട്ട 125 വിദ്യാർത്ഥികൾക്കുള്ള പഠനോപകരണ വിതരണവും കലാ സംഗമവും -ജാലകം 2025,7ന് ശനിയാഴ്ച രാവിലെ 9ന് ചിരട്ടക്കോണം മലങ്കര കത്തോലിക്ക പള്ളി ഓഡിറ്റോറിയത്തിൽ നടക്കും.മന്ത്രി കെ.ബി. ഗണേഷ് കുമാർ ഉദ്ഘാടനം ചെയ്യും.പ്രസിഡൻ്റ് സജി തോമസ് അധ്യക്ഷത വഹിക്കും.വെട്ടിക്കവല ഗ്രാമപഞ്ചായത്ത് പ്രസിഡന്റ് തലച്ചിറ അസീസ്,ജില്ലാ പഞ്ചായത്ത് അംഗം അഡ്വ.ബ്രിജേഷ് ഏബ്രഹാം, റിട്ട. ഹെഡ്മാസ്റ്റർ കെ.ഒ.രാജുക്കുട്ടി, ഹൈക്കോടതി സീനിയർ അഭിഭാഷകൻ അഡ്വ. അലക്സാണ്ടർ ജോർജ്, അധ്യാപക അവാർഡ് ജേതാവ് പി.എ.സജിമോൻ, ഗ്രാമപഞ്ചായത്ത് അംഗം പി.സുരേന്ദ്രൻ,ഭിന്നശേഷി മേഖലയിലെ സാമൂഹിക പ്രവർത്തക സുജാത ഭാസ്കർ കോട്ടയം എന്നിവർ പ്രസംഗിക്കും.
എസ്എസ്എൽസി, പ്ലസ് ടു പരീക്ഷയിൽ ഉന്നത വിജയം നേടിയ വിദ്യാർത്ഥികൾക്കുള്ള അവാർഡ് ദാനം, കലാസംഗമം, പരിസ്ഥിതി വാരാചരണം എന്നിവയും നടക്കും. തുടർച്ചയായി 14-ാമത് വർഷമാണ് യുവ സാരഥി ക്ലബ്ബിന്റെ നേതൃത്വത്തിൽ ജാലകം എന്ന പേരിൽ വിദ്യാഭ്യാസ കരുതൽ പദ്ധതി നടപ്പാക്കുന്നത്.
